دثريني يامنيره زمليني يا منيرة...

بسم الله الرحمن الرحيم

طبعا مافي احد ماسمع قصيده دثريني او على الاقل سمع عنها فا انا جبتها للي ما سمعها ووده يسمعها وخصوصا(( مالي مزاج )) او الي سمعها ووده يسمعها مره ثانيه ((زيي مثلا ))
واتمنى اني القى تفااعل انا بصراااااحة مره اعجبتني

https://www.youtube.com/watch?v=hOUAJ84aY40

دثرينـي يـا منيـره زملينـي يــا منـيـره
يا منيره في فـوادي فـرخ عبـدٍ طـق زيـره
من هنوفٍ صوبها راع الهـوى يشعـب بعيـره
سيـدة سـادات قـومٌ سـادةٌ أبنـاء ســاده
من بهاها يا منيره ويش أوصف ويـش أخلـي
في جبين الطهر منهـا بـدر سبتيـن متجلـي
هالـةٍ دون المصلـى أخلفـت وجـه المصلـي
في محاجرها عقيد القـوم يومـي بـه جـواده
الحجـاج هـلال مـا هـو فـي أهلتنـا مقيّـد
من يشوفه قبـل لا يبـدي هـلال العيـد عيّـد
لا متى والموت حدر رموشهـا السـود يتصيـد
لا متى ذبح البشر عند العيـون السـود عـاده
دوب يانـع وردهـا فـي روض لبتهـا تفتـق
في سحر منطوقها صرفٍ مـن الـراح المعتـق
وكن ظفايرها علـى الغـره ليـا قامـت تنتـق
خدم سـودٌ وقـوفٌ حـول بنـت البيـه غـادهٌ
يا وجودي يالزبـاد الزبـد يالبيـض المقشـر
يوم حازت من أمامي عمـد وأحمـر المؤشـر
مـا أنـا إلا أخـو عقـمٍ بمـولـودٍ مبـشـر
من سروري يوم أعانق طيفها فـوق الوسـاده
كن أصابعهـا مـن العنـاب أو بسـر عراقـي
أو بلح شـامٍ مجفـف أو قنانـي خمـر ساقـي
وكن ترايبها صحاف التـرك حمـران الطواقـي
في سنا نور رقبتهـا ذابـت أكثـر مـن قـلاده
فتنةٍ من شافها في جو سابـع عـرش عـرّش
كاد ناعم ثوبها في جسمهـا الغـض يتحـرّش
مرحبا يا مرحبا يـا مرحبـا بالطـش والـرش
بالحرير الحـر والغـرو الغريـر الغـر عـاده
كل مـا تكبـر تزيـن وكـل مـا تقـدم تجـدد
كن نحرهـا مـن وراء بوابـة الثـوب يتهـدد
حجم ناحل خصرها في ردفهـا لا جيـت أحـدد
حجم نقطة نون داخل نـون مـا تقبـل زيـاده
بيـن خـصـرٍ إشتـراكـيٍ وردفٍ رأسمـالـي
ويل ويلي شيب عيني طر جيبـي ويـل حالـي
كل غضٍ فـي نحرهـا شايـفٍ نفسـه معالـي
والثنيـن بصـراحـه يستحـقـون الإشــاده
كن عايـم صدرهـا فـي وقفتـه قـرمٍ ينـادي
في خضم المعركه هل مـن مبـارز أو معـادي
من غروره يعتبر كل مـا نقولـه فيـه عـادي
يا مصابيح الرواهب من بياضـه فـي سـواده
من مـزاج الزنجبيلـه فـي شفـاه السلسبيلـه
أورد الساعـي كليـبٌ حتفـه نظـم الجليـلـه
جمـرةٍ فـي روح تمـره ضيعـت أبـو دليلـه
قايـدٍ حـاذاه قايـد ريـم وأنـسـاه القـيـاده
من ليونتهـا كـأن مالـه ولا عظـمٍ جسدهـا
ومن نعومتها تخاف خدودها مـن لمـس يدهـا
ومن كثر ما مشيها جذاب مـا تمشـي وحدهـا
ومن كثر ما جلدها صخيفٍ تحب اللبـس سـاده
ويش يسوى المسك وأبو المسك مع ريحة عرقها
يوم ذبت شالها وأهتـز فـي الملعـب حلقهـا
مـا كـأن الله مثـل باقـي مخاليقـه خلقهـا
فتنةٍ كانـت طقـوس القصـر تعبدهـا عبـاده

أكيد بتعجبك ياداااااااااااااااجة ، بس يالله دامك حاطه الموضوع عشان عنوني ^^

كنت متحمسة الصراحة ، يسلمووووووووو

مالي مزاج ..!! كتب:: أكيد بتعجبك ياداااااااااااااااجة ، بس يالله دامك حاطه الموضوع عشان عنوني ^^

كنت متحمسة الصراحة ، يسلمووووووووو

خخخخخخخخخخخخ الله يهديك ش دجه
بصرااحه هالرجال يستاهل لقب الشاعر العبقري ومثقف بشكل الله لا يضره(( ماشاء الله ))
ومشكووورة يادوبا على المرورر دثريني يامنيره زمليني يا منيرة... 010

بس احس ..

مادري ..
بس المرة الاولى ( بسمك اللهم منزل الاحقاف والاعراف ... الخ )
والحين ( دثريني زمليني )
خير إن شاء الله وش عنده ؟؟...

M!ss_p!nk كتب:: بس احس ..

مادري ..
بس المرة الاولى ( بسمك اللهم منزل الاحقاف والاعراف ... الخ )
والحين ( دثريني زمليني )
خير إن شاء الله وش عنده ؟؟...

\

ماعنده شئ شعر غزلي وش فيها بعد يطلبون منه بعدين يقبون عليه والله حاله؟ << خخخ قبت
مشكوورة على المرور

وااااااااااااو من جد حلو
تسلمين علم نفس ..........

؛مـــزاجي رااايـــق؛ كتب:: وااااااااااااو من جد حلو
تسلمين علم نفس ..........

خخخ من جد كل ابياته حلوه
تسلمين على المرور الحلو يا حلو Embarassed