غادهـــ (لناصر الفراعنهـ)

هذي قصيده نااااادره للشاعر الكبير ناصر الفراعنه اتمنى انها تعجبكمـ

لو تحب اللي يحبك كثر ما قلبه يحبك
والله إن يحيى ويفنى من سعادة في سعادة

لو نسيم الشوق من جوفي ولو مرة تهبك
ما بقى غصنٍ من العود الخضر ماهو رماده
لو يقول القلب ياريحان قلبك ما حسبك
من يصدقني وقلبي يرتعش لاقيل غادة
ما تشوف إني أجي عريان أبي وصلك وقربك
دمي شماغي ومن دمعي لبست الثوب سادة
يوم أشبك أثري إلا الهم سبع سنين أشبك
ما طرى في بالي إني يوم أبشري لي وسادة
أسهرك والهقوة إني لاتعبت أقدر أكبك
ولادريت إلا عقب صار السهر للعين عادة
في عيوني صرت أجمع صورتك دمع وأصبك
لولا خوفي من هلك لبستها صدري قلادة
لو بيدي ما أنزل لك جبينك بس ربك
ربك اللي حط في الدنيا عبيد وحط سادة
ما قطعت الياس من شرقك وأنا مشتاق غربك
الإرادة عن غرامي فيك مثل اللا إرادة
يا محيرني على جمر الغضى ياقو قلبك
ألف ليل وليل والقمرى على خبري سوادهـ
إيه بركض ليه ما أركض دام هذا الدرب دربك
يابلغت القصد أو يايدرك العبد الشهادة
وإن حصل صا أو حصل ذا مستوي جرحك وطبك
من معه مثلك حلا يستاهل الركضة وتادة
من جمالك يوم أصوت يا قمر كني أسبك
وكل فاتن غيركم قولت قمر غاية مرادهـ
من يقول إنه كتب بك يا خسارة وش كتب بك
تمضي الدنيا وكل ما قال كلمات معادة
من يموت بساعته لا طالعتك ماهوب ذنبك
كل مقرود يتحمل مايجيه من القرادة
آهـ لو تحبني بس كثر ما قلبي يحبك
ماغدى طول السهر لعيوني القشرا عبادة